Pönnusteiktur lax með bankabyggi og salati

Gott verð á laxi hjá Fiskikónginum í vikunni svo ég náði mér í 2 flök í dag sem voru 1500gr sem ætti að duga fyrir okkur fimm sem vörum heima ef við miðum við 300gr á mann.
þessi réttur fékk góða einkunn hjá öllum á heimilinu 

• 1,5 kg Laxaflök
  
• 1/2 rautt chilli ( fræhreinsað)
  
• 1 hvítlaukur saxaður
  
• 1 msk sítrónubörkur
  
• 1/2 msk engifer ( rifið)
  
• Sjávarsalt 
• pipar (nýmulin)

Ég skar laxinn niður í mátuleg stykki og geymdi, gerði þá klárt chilli, hvítlauk, sítrónubörk og engifer og setti á pönnu ásamt ólífuolíu þetta verður kryddið á laxinn, ég hitaði upp að meðalhitað og beið þar til þetta hafði mýkst þá setti ég laxinn á pönnuna með roð hliðina upp, saltaði og pipraði og steikti í 3-4 mín þá snéri ég stykkjunum við og kláraði að steikja. ég bar þetta fram með bankabyggi, hvítlaukssósu Avocado í marineringu og salati

meðlætið:

Steikt bankabygg með hvítlauk

• 2 dl Bankabygg ( soðið í 40 mín)
  
• 1 rauðlaukur ( skorið )
  
• 1/4 rautt chilli ( smátt skorrið ) 
  
• 3 hvítlausrif ( smátt skorið )
  
• 1/2 gul paprika (skorin í bita)
  
• 1/2 tsk estragon
• salt og pipar
  

allt sett á pönnuna nema bankabyggið salta og pipra, steikið þar til fer að brúnast þá er bankabyggið sett á og steikt í 2-3 mín, sett í skál og borið fram


hvítlaussósa 

• 1 dós sýrður rjómi 
  
• 1 hvítlauksrif ( smátt saxað)
  
• safi úr 1/2 sírtónu
  
• 2 msk góð ólífuolía 
  
• smavegis lamb Íslandia krydd
  
• sjávarsalt og pipar 
  
• smá hlyn síróp
  

hrærið sýrðarjóman aðeins fyrst, skellið restinni út í og hrærið, smakkið ykkur til.

Avocado í dressingu

• 1 stórt eða 2 lítil avocado, sem búið er að skera í sneiðar
• 2 msk góð ólífuolía 
  
• safi úr 1/4 af sítrónu 
  
• svetta af hvítvinsediki 
  
• skvetta hlynsíróp
  
• sjávarsalt og pipar
  
• smá steinselja  
  

pískið saman allt nema avocado sem þið setið í eftir á þetta er mjög gott með góðu salati 

---