Brauðbaka með blaðlauk,tómötum, skinku og beikoni 
þessi uppskrift er svona slatta uppskrift þar sem ég mausaði þetta bara eftir hendinni 

Brauðið:

• 1 og 1/2 dl volg mjólk 
• 2 tsk þurrger 
• 1/2 tsk hrásykur ( má nota hvítan sykur )
• 1/2 tsk salt 
• smá timian 
• 2 msk góð matarolía
• 1/2 bolli haframjöl 
• hveiti og fínmalað spelt til helminga ( þið verðið að c.a. þetta út )
  

þetta er hnoðað saman eins og annað brauðdeig og látið hefast í 30-40 mín þá er degini skipt í 2 hluta minni og stærri hluta og stærrihlutinn er flattur úr svo passi í form og deig alveg upp barmana 

Fyllingin: ( þetta má vera svoldið svona það sem er til í ísskápnum fyrlling )

• 2 meðalstórir tómatar skornir niður
• 100gr beikon steikt skorið niður
• 100gr skinka skorin niður
• 1/4 blaðlaukur skorin niður
• smá graslaukur saxaður
• 1-2 hvítlauksrif  söxuð
• 1/2 paprika rauð
• salt og pipar
• 1/3 Box skinkumyrja eða t.d. 1/2 camenbert eða eitthvað annað
• rifin ostur eftir smekk, gæti verið gott að setja ýmsa osta 
  

öllu blandað saman og sett í formið 

þá er hinn helmingurinn af deginu flattur út og settur yfir  og loka samskeitum eins og þið getið 

1 egg slegið sundur og brauðið penslað og síðan látið hefast í 15-20 mín 

þá er það sett í ofn á 200°c 

smá rifnum osti stráð yfir þegar brauðið kemur út úr ofninum 

best er að láta brauðið standa 15 mín áður en það er skorið 

breytið þessu svo að ykkar hætti :) 

verði ykkur að góðu 

---