Var með grillaðan silung í bústanum í gær sem var ofboðslega góður en auðvitað var ég með of mikið og ég tímdi ekki að henda svo ég ákvað að gera gott silungasalat. Silungurinn hafði verið marineraður í pipar marineringu svo hann var nokkuð bragðsterkur svo það þurfti ekki mikið krydd 

silungur líklega 200gr
2 stk harð soðið egg 
1 og 1/2 msk mayones 
1 og 1/2 msk sýrður rjómi 
sítrónusafi 
sjávar salt 
chili explosion krydd


silung og eggjum blandað saman og mayones og sýrður rjóma blandað saman við smakkað til með sítrónu safa, salti og kryddi svo er gott að saxa papriku örsmátt og dreyfa yfir, salatið er gott með nýju brauði eða t.d með öfurholla hökk kexinu

uppáhaldsúpan hennar Ölmu Glóðar var í matin í kvöld  og auðvitað var líka nýbakað speltbrauð. 

Rjómalöguð súpa með heilum blómkálsbitum

• 1 blómkálshöfuð 6-700 gr
  
• 1 1/4 L vatn
  
• salt
  
• pipar
  
• 75 gr smjör
  
• kjötkraftur
  
• 1 dl rjómi 

Skolið blómkálið í köldu vatni og rífið í bita. Sjóðið það í saltvatni þar til blómkálið er meyrt (um 8-10 mín.) Takið frá 6-8 fallega bita. Tætið í sundur með töfrasprota eða merjið blómkálið í gegnum sigti ofan í grænmetissoðið. Bætið síðan smjöri,rjóma og kjötkrafti út í soðið og leifið að malla á lágum hita í nokkar mínutur. berið fram með nýbökuðu góðu brauði

þessi var verulega góður enda þegar við hjónin tökum okkur til og eldum saman verður eitthvað verulega gott til 

Borgarinn er kryddaður með góður kryddi, við notuðum "best á nautið" sem við keyptum í Nóatúni borgarinn fór á heitt grillið og grillaður á annari hliðinni og á ámeðan er ananasinn grillaður, borgaranum var snúið og gráðostur settur á og ostasneiðar þar yfir og grillað þar til tilbúið  

ofan á grillað brauðið var sett chili tómatsósa og sýrður rjómi, iceberg kál og tómat sneiðar þar ofan á kemur borgarinn og svo ananasinn og ofan á ananasinn beikon sneiðar, á topp brauðið var bara dijon sinnep. 
Þetta var algerlega frábær borgari 

Súkkulaðibita muffins 

• 2 bollar sykur 
  
• 220 gr smjör 
  
• 2 og 1/2 bolli hveiti 
  
• 3 egg 
  
• 1/2 tsk matarsódi 
  
• 1/2 tsk salt 
  
• 1 tsk vaniludropar 
  
• 200gr suðusúkkulaði 
  
• 1 dós kaffi eða karamellu/hnetu jógúrt eða 170 ml súrmjól eða AB mjólk ( ég notaði AB mjólk að þessu sinni og það kom vel út ) 
  

smjörið og sykurinn er þeytt þar til létt og ljóst þá er eggjunum bætt í einu og einu svo er jógúrtinu bætt í og svo þurrefnum og seinast söxuðu súkkulaðinu. Bakað í 20-25 mín við 190°c hitin fer svoldið eftir ofnum 

í dag var eldaður kjúklingur í ofni sem var kryddaður með salti, súmaki, lime perrer og pipar með þessu hafði ég hýðishrísgrjón og kjúklingabauna salat. 

kjuklingabauna salat.

• 1 dós kjúklingabaunir skolaðar
  
• 3 hvítlauksgeirar, smátt saxaður 
  
• 1 meðalstór rauðlaukur saxaður 
  
• 1 rauð paprika söxuð
  
• 5-6 cm af blaðlauk skorin í sneiðar 
• 2 msk saxaður engifer 
• kókosolía til steikingar 
• 1 tsk túrmerik 
• sjávar salt eftir smekk 
• pipar 
• 2 tsk Garam masala
• 1 tsk súmak ( má sleppa)
• knippi af fersku coriander

hvítlaukurinn engiferin og rauðlaukur er sett á pönnu og svissað þá er kryddið sett í  og blandað vel þá er paprikan og kjúklingabaunirnar sett saman við og leift að malla í nokkra mínútur þá er ferskum coriander bætt við og hellt vel yfir af góðri extra virgin olíu og borið fram . 

Ég held að við þetta megi bæta jafnvel fersku sellery og jafnvel steiktu beikoni ef vilji er fyrir því.