maðurinn minn benti einum á mig um daginn til að gefa uppskrift af góðri kalkúnasósu en þar sem ég hef aldrei átt uppskrift af slíkri sósu (þær bara verða til í hvert og eitt skipti ) þá fannst mér ég verða að hugsa þetta til að geta gefið þessum aðila hugmyd, og við vorum einmitt með risa kalkún á fyrsta í aðventu. Ég set hér inn það sem ég sendi þessum aðila smá endurbætt að vísu 
 
lykilatriði er að gera gott soð 
Soð í sósuna geri ég með því að steikja innyflin (allt nema lifrina), bæta við gulrót, lauk, sellerí, piparkornum og lárviðarlaufum og slatta af kjúklingasoði gott að nota kalkúnakrydd líka út í soðið, sjóða niður úr 2l í 1l eða svo. 
Svo notar maður auðvitað soðið úr skúffunni með en það kemur bara í lokin.

bakið upp sósuna, þið gerið það með því að bræða svona kannski 80gr smör í potti og setið c.a. 3 góðar skeiðar hveiti ut í bætið svo soðinu smátt og smátt í hræðið viðstöðulaust helst með písk þar til sósan er næstum komin í þá þykkt sem þið viljið hafa hana í  ( semsagt aðeins of þykk) bragðbætið með kjúklingakrafti og að seinustu tek ég soðið sem er í ofnskúffunni og fleyti fitunni af soðinu og nota svo soðið ( þar er mesti krafturinn) svo er það matarlitur ef þið óskið og toppurinn yfir I-ið er rjómi eftir smekk  

Var með þorsk á Spínatbeði í matin í kvöld, ekki laust við að við værum orðin þreytt á öllu kjötmetinu svo þetta var kærkomið og ekki verra að eiga þennan yndæla vin sem færir okkur fisk annað slagið, ég gerði þetta svona, fyrir okkur 4, þá eldaði ég auðvitað eins og við værum allavega 5 :) 

• 1100 g þorskur góð hnakkastykki 
  
• salt 
  
• pipar 
  
• estragon 
  
• 1 egg 
  
• 1 stór poki spínat 
  
• íslenskt smjör
  
• 1/4 af sítrónu
  

Ég byrjaði á að skera fisk stykkin í hæfilega bita og þerra, setti svo eggið í skál ásamt smá mjólkurlögg og salti, viskaði eggið saman og bræddi sjmör á pönnunni vellti fisk stykkjunum upp úr egginu og steikti á annari hliðinni og setti salt, pipar og estragon yfir sneri svo stykkjunum við og kryddaði eins þegar fiskurinn var nánast tilbúin setti í c.a. 35gr af smjöri í pott og bræddi kreisti safa úr sítrónunni út í og smá salt og allt spínatið út í og þó þetta virðist mikið í fyrstu þá verður þetta að nánast engu. spínatið þarf bara 2-3 mínútur í mesta lagi svo er Spínatið sett á fat og fiskinum raðað ofan á. Ég bar þetta fram með kartöflubátum bæði sætar og venjulegar og fersku salati  

þá er það ein hefðin fyrir jólin. Toblerone ísinn sem mamma gerði alltaf og það er enn og aftur upprskrift frá ömmu, þetta hef ég alltaf gert líka alla tíð síðan ég byrjaði að búa að gera ís hér í formum eru 2 skammtar 

• 1/2 l rjómi 
  
• 4 egg 
  
• vanulluessens 
  
• 6 msk sykur 
  
• 1 stk toblerone (100g)
  

Byrjið á að skilaj eggin og hræðið eggjarauðurnar og sykurinn samna þar til það er orðið ljósgult og létt í sér bætið þá vanillu í c.a teskeið. Þeytið rjóman og blandið varlega saman við eggjarauðurnar og þá súkkulaðið loks eru eggjahvíturnar stífþeyttar og þeim blandað ofur varlega saman við sett í form og beint í frysti.
Svo getur verið gaman að skreita með heimatilbúnu súkkulaði skrauti en tími vinnst til  

Pizza a la Margrét 
gerð í gær og auðvitað langbest að gera sína pizzusósu líka svo allt sé nú heimagert 

Botninn 
3 dl vatn 
3 tsk þurrger 

• 1 tsk sykur
  
• smá oregano 
  
• 2 msk góð olía
• hveiti reindar á ég ekki mælieiningu af því en skal reina að mæla næst. 

setjið vatnið ylvolgt í skál og þá gerið, sykurinn og oregano bíðið helst þar til það fer að freyða þá er hveitinu hnoðað upp svo er þetta látið hefast í klukkustund helst meira, fletið út og búið til botn eða botna. 


Pizzasósa 

• 1 dós niðursoðnir tómatar
  
• 2 msk púrré
  
• 1 tsk oregano
  
• 1 tsk timian
• 1 tsk sykur
  
•  maldon salt eftir smekk
  
• c.a.1/2 tsk svartu nýmalaður pipar
  
• 1 laukur. smátt saxaður
  
• 3 hvítlauksrif
  
• 3 msk olía.
  
• handfylli basillauf smátt skorin eða 1 tsk þurkað basil

laukur og hvítl. brúnað, skellið öllu öðru út í að undanskildu basil ef það er ferkst þá er það bara látið í eftir að þetta er látið malla á lágum hita í 20 m.

það sem var ofan á pizzunni í þetta skipti var svona tiltekt í ískápnum á einni var skinka, pharma skinka, ananas og camenbert ostur og rifin ostur
á annari var skinka, pepperoni, ananas og rifin ostur  ég hefði nú viljað hafa papriku og jafnvel spergil kál en átti það bara akki til þann daginn :) en það er um að gera að láta ýmindunar aflið ráða 

vorum að fara að sjá Stomp með krökkunum í gær þannig ég ákvað að hafa einn af uppáhaldsréttum krakkana sítrónupastað sem er svo vinsælt og gerði með því Focaccia brauð eftir uppskrift frá Jóa Fel, heppanst alltaf rosalega vel 

450 g hveiti
70 g semolinohveiti
15 g pressuger
10 g salt
50 g ólífuolía
320 g vatn
setjið saman hveiti og semolina, brjótið gerið saman við með fingrunum. Setjið vatn og olíu út í ásamt saltinu. Vinnið deigið rólega saman í 2 mín., vinnið svo deigið á miðjuhraða í ca. 6–7 mín. Deigið á að vera svolítið klístrað. Sláið deiginu upp í kúlu og látið það standa undir rökum klút í 60 mín. 
setjið deigið á plötu eftir 1 klst. í hefingu. Fletjið deigið út með höndunum en gætið þess að lemja það ekki
mikið niður. Reynið að hafa deigið jafn þykkt á plötunni. Penslið vel með ólífuolíu yfir deigið, setjið maldonsalt yfir og ferskt rósmarin. Setjið
mikið af puttaförum í deigið. Setjið deigið inn í 250°C heitan ofninn, úðið vatni
um leið og deigið er sett inn í ofninn, lækkið hitann niður í 230°C og bakið í um 13–15 mín.
Bakið þar til brauðið er gullið að lit.

Í dag ætla ég að vera með uppáhalds fiskréttinn hans Bjarna Freys, með réttinum í dag ætla ég að hafa híðishrísgrjón og salat. ég man ekki hvar ég fann uppskriftina en hún er svona 

Fiskur með aspas og fl bakað í ofni .

• 750 gr Lúða, silungur eða þorskur (best) má vera annar fiskur, 
  
• 1/2 dós grænn aspas,
  
• 1 lítill laukur,
  
• salt og pipar 
  
• 1 tsk sítrónusafi,
  
• 4-5 msk rjómi,
  
• 3 msk brausmyslna,
  
• 50 gr smjör,
  
•  ca 200 gr rifinn ostur. 
  

fiskurinn settur í smurt eldfast mót,stráið salti og pipar yfir.Dreypið sítrónusafa næst yfir ,laukur og aspas án safa hellt jafnt yfir fiskinn ,því næst rjómanum og smjöri í klípum,jafnið brauðmyslnu yfir og að lokum ostinum.leggið álpappír yfir mótið og bakið í ca 20 mín á 190°c ,takið pappírinn af og bakið í 10-15 mín eða þar til osturinn er bráðinn . Gott er að hafa sítrónubáta með til að dreypa yfir . Berið fram með og fersku grænmetissalati. 

gerði Jalfrezi uppáhalds réttin okkar í gær og Naanbrauð sem er ekki með geri ég á þó ótal uppskriftir af naan en auðvitað var þetta ofurgóður matur bætti þó við ferskum chilli og með þessu hafði ég kælisósu sem er gerð þannig að ég læt c.a 3 dl Ab mjólk eða hreint jógut í skál og bæti í það 1/4 dós ananas smátt skorið og Tandoori krydd c.a 2 tsk, læt þetta svo standa í kæli í góða stund, geri helst áður en ég geri matin. 

hér er uppskrift af naan brauðinu

 Gerlaust naanbrauð 6 stk .

• 8.dl hveiti
  
• 1.tsk lyftirduft
  
• ¾ tsk salt
  
• 2 msk olía
  
• 1 ½ dl hrein jógúrt eða AB mjólk 
  
• 1 egg
  
• 1 ½ dl mjólk
  
• Olía til að pensla brauðið að utan

Blandið saman hveiti,lyftidufti og salti. Þeytið saman olíu,egg og jógúrt.Blandið saman við hveitið , látið hefast í 1 klst. Hnoðis degið ,rúllið í aflanga rúllu og skerið í 6bita  formið hringlaga kökur u.þ.b 25x15 . setið á plötu og bakið í c.a. 5 mín eða þar til kakan hefur tekið lit penslið með olíu og vefjið inn í viskastykki eða bakið á pönnu . 
Í gær bakaði ég brauðin á pizzasteini í ofninum en mér fannst þau verða aðeins harðari en venjulega svo fyrir þessa uppskrift mæli ég með að nota helst pönnu.