Ítölsk grænmetissúpa  var það sem ég fann góða uppskrift af en áður en varði var þetta ekki upphaflega súpan en góð var hún og krakkarnir hituðu upp afgangin í dag 

2 msk olía eða kokos feiti 
1 laukur, saxaður
1-2 hvítlauksgeirar
2-3 gulrætur, saxaðar smátt
1 lítið chili fræhreinsað og smátt saxað
2-3 sellerí stönglar, smátt saxaðir
2 paprikur skornar í bita
500gr tómatar, saxaðir
1 msk ferskt timian
Nýmalaður pipar
Salt
1 l vatn
1 msk grænmetis eða kjúklinga kraftur
500gr blómkál og eða spergilkál, smátt sax
100gr pasta
1 ds kjúklingabaunir   

Hitiðolíu í potti. Laukur og hvítlaukur látin krauma við meðalhita í smástund án þess að brúnast. Þá er gulrótum, sellerí, tómötum,  papriku, chuli, timian, pipar og salt bætt í og látið krauma nokkar mínútur til viðbótar. Þá er vatni og krafti bætt í og láutið malla í 15-20 mínundir loki. Blómkáli, spergilkáli kjúklingabaunir og pasta bætt í og látið malla í 8-10 mín til viðbótar smakkað til með salt og pipar. 
Ég sauð pastað sér og hafði með því sumir vilja forðast pasta og þá er líka hægt að bæta pastanu við eftir smekk hvers og eins. með þessu hafði ég spelt snittubrauð sem þykir ofur gott hér á bæ og er heimabakað 

ég hef gert þennan rétt af og til í nokkur ár og er hann í miklu uppáhaldi hjá öllum á heimilinu en að þessu sinni breytti ég aðeins og gerði spelt pasta, mér láðist algerlega að taka mynd en ég bæti úr því síðar 

• 4 bollar spelt 
  
• 4 egg 
  
• smá sjávar salt 
  
• 4 msk extra virgin ólífu olía 
  

blandið hveiti og salti saman og pískið egg og olíu saman í skál, gerið miðju í hveitið og byrjið að hræra eggjunum saman við það hnoðið saman þar til það er sprungulaust. degið á ekki að vera of þurrt en ekki of btautt heldur, pakkið í plastfilmu og látið bíða í 20-30 mín áður en þið gerið pastað sem þið getið rúllað út með kökukefli eða notast við pastavél, ég er svo heppin að eiga pastavél.

á meðann pastadegið er í hvíld er gott að græja kjúklingaréttinn

• 4 Kjúklingabringur  
  
• 1 krukka grænt pestó 
  
• 1 krukka sólþurrkaðir tómatar(olían er notuð líka) 
  
• 2-3 hvítlauksrif ( smátt söxuð)
  
• 1 ds. fetaostur 
  
• 1 box sveppir 
  

Sólþurrkuðu tómmatarnir eru saxaðir Þeim er síðan hrært saman við pestóið (og líka olíunni af tómötunum) og hvítlauksrifinum blandað saman við. Þessari blöndu er svo makað utan á kjúklinginn og raðað í eldfast mót. sveppunum sem eru niðurskornir er dreift yfir. Steikt í 200 gráðu heitum ofni þar til orðið steikt í gegn. Þegar tíu mínútur eru eftir af steikingartímanum er fetaostinum dreift yfir kjúklinginn og steikt áfram. Sjóðið taglíatelli (helst ferskt) samkv. leiðbeiningunum og berið fram með kjúllanum, góðu brauði og parmesanosti. 

Ég er í miklu hollustu stuði svo ég gerði líka snittubrauð eftir uppskrift frá http://www.cafesigrun.com/  það kom mjög vel út með þessu 

Í dag var ákveðið að vera me kjúkligabringur en kryddið var ekki alveg á hreinu ég ákvað að endingu að nota chilibelgi. Ég kryddaði bringurnar einni klukkustund áður en ég eldaði þær. Ég skar hverja bringu í þrennt og kryddaði með sjávarsalti, papriku, 2 hvítlauksrif smátt söxuð og 8 litlum þurkuðum chilibelgjum sem ég marði og svona 1/2 dl ólífuolía.
þegar bringurnar voru búnar að vera í marineringu þá steikti ég þær á grillpönnu sem var með 1 söxuðu hvítlauksrifi á, svo hellti ég einum dl af hvítvíni á pönnuna lét sjóða í 5 mín og setti svo 1/2 dl af rjóma, smakkað til með sjávarsalti og þá var komin þessi fína sósa. Ég bar þetta fram með salati og híðishrísgrjónum 

Skellti í eina sæta köku fyrir dóttirina sem heldur upp á 16 ára afmælið sem var reindar þann áttunda en kakan tókst ágætlega

Í sunnudags matin var fyllt kalkúnabringa hjá okkur og kartöflubátar í ofni við mikin fögnuð unglingana á heimilinu

• kalkúnabringan er 1100gr 
  
• 1/3 krukka feta ost 
  
• 1 bréf góð parmaskinka 
  
• 1/4 krukka sólþurkaðir tomatar 
  
• 3 hvitlauksrif 
  
• svartur pipar 
  

ég byrjaði á að skera allt smátt nema feta ostin og setti í skál svo setti ég feta ostinn og blandaði saman.  Ég gerði svo vasa í bringuna og tróð gúmmelaðinu í bringuna og setti hana í eldfast mót og kryddaði að utan með ferskri salvíu pipar og salt. setti í ofnin á 220°c 
Ég passaði að ausa yfir bringuna reglulega bara af olíuni sem kom í mótið og ég var með kjöthitamæli í til þess ap gæta ap hitastiginu

sósan

• nokkrir sveppir,
  
• 2 hvítlauks rif
  
• nokkrir sólþurkaðir tómatar 
  
• 1/4 af lauk
  
• 1dl hvítvín
• kjúklingakraftur
• 3-4dl rjómi 
• salt og pipar

sveppir, laukur, og tómatar er allt smátt saxað og svissað í smá olíu af tómötunum, þá er 1 dl hvítvín hellt yfir og soðið niður um helming þá bætti ég við nokkrum matskeiðum af kalkúnasoðinu úr mótinu og örlitlu af kjúklingakrafti og svo rjómi c.a. 3-4 dl kryddað með svörtum pipar og salti 

Kartöflur
nokkrar venjulegar kartöflur og ein stór sæt kartafla, ég byrjaði á að skera þær venjulegu í báta og setti í eldfast mót og setti góða ólífuolíu yfir, kryddaði með salti,  3 rif niðurskornum hvítlauk og fersku rósmarín, blandaði saman og setti í ofninn. Þá skar ég sætu karföfluna í hæfilega bita og bætti svo við þegar u.þ.b 25 mínútur voru eftir af eldunartíma  kartaflana. 

Ég bar þetta fram með fersku salati 

Ég ákvað að prófa hollari gerð af pizzu og útkoman kom vel á óvart, allir sem smökkuðu ánægðir 

Spelt Pizzabotn (gerir 2x 25 -30 cm pizzur)

• 250g spelt, gott nota 1/2 gróft & 1/2 fínt í byrjun eða hvernig sem þið viljið
• 3-4 tsk vínsteinslyftiduft
• 1/2 tsk salt
• 1 tsk óreganó
• 1-2 msk lífræn ólífuolía
• 125ml heitt vatn
  

þurrefnum blandað saman í skál og olíu og vatni hrært saman við með sleif, þegar deig kúla fer að myndast þá getur maður klárað með höndunum, passið að hnoða ekki meira en nauðsynlega þarf, nota fínt spelt til að setja á borðið þegar þið fletið út, svo er degið sett á bökunarplötu með bökunarpappír á og forbakað í 5 mínútur við 200°c og botnin farin að lyfta sér aðeins, þá er hann tekin út úr ofninum og sett á hann strax t.d heimalöguð pizzasósa og gott álegg og góður ostur yfir.

ég set hér inn aftur uppskrftina af Pizzasósunni minni.

Pizzasósa 

• 1 dós niðursoðnir tómatar
  
• 2 msk púrré
  
• 1 tsk oregano
  
• 1 tsk timian
• 1 tsk sykur
  
•  maldon salt eftir smekk
  
• c.a.1/2 tsk svartu nýmalaður pipar
  
• 1 laukur. smátt saxaður
  
• 3 hvítlauksrif
  
• 3 msk olía.
  
• handfylli basillauf smátt skorin eða 1 tsk þurkað basil

laukur og hvítl. brúnað, skellið öllu öðru út í að undanskildu basil ef það er ferkst þá er það bara látið í eftir að þetta er látið malla á lágum hita í 20 m.  


meira af myndum með uppskriftinni undir "Brauðréttir og brauð" 

hvert ykkur til að prófa Spelt pizzu verði ykkur að góðu

Ég var með þessa frábæru súpu í gær, fann mér uppskrift en fyrr en varði var ég búin ða breita henni svo mikið að þetta var allt önnur súpa en ég ætlaði að gera en það er ekkert óvenjulegt að úr verði eitthvað nýtt og dásamlega gott 

• 6-8 stk niðursneiddir hvítlauksgeirar (eftir smekk að sjálfsögðu)
  
• 1-2 msk olía  má vera bragð- og lyktarlaus)
  
• 1-2 msk karrý 
  
• 1 msk túrmerik 
  
• 1 stk niðursneiddur rauður chilli ( má sleppa)
  
• 1 sæt kartafla (skera niður í smáa teninga eða þanni
  
• 1 poki af meðalstórum gulrótum (hægt að miða við 10 stykki og skera niður í svipaða bita og kartöfluna)
  
• 1 haus spergilkál (skera niður smátt)
  
•  5 stórir ferskir tómatar skornir eða dós tómatar 
  
• 1/2 l kókos mjólk eða kokos
  
• 1 líter vatn
• 2 msk gerlaus grænmetis eða kjúklingakraftur 
  
• 1 ½ dl. Soðið bankabygg
  
• Maldon salt eftir smekk
  
• svartur pipar eftir smekk
  
• Vænt búnt af ferskum kóríander ( sett í þegar súpan er tilbúin)
  
• 2 kjúklingabringur smátt skornar, steiktar og saltaðar en það er algerlega í lagi að sleppa kjúklingnum

 Hvítlauk, kókosolíu, karrý, túrmerik og chilli blandað saman í pott og svissað, sætri kartöflu, gulrótum og spergilkáli bætt útí og látið krauma í 2-3 mín .
( geymið nokkra sprota af kálinu til hliðar) 
Tómötum, kókosmjólk og vatni ásamt grænmetiskrafti bætt út í pottinn.
Látið ná suðu og látið malla á miðlungshita í um 20 mínútur.
Því næst  er bankabygginu bætt út í 
svo er þetta maukað með  töfrasprota.
Þá er spergilkálsprotunum sem hafa verið geymdir bætt í og kjúklingarbringunum soðið í 10 mín
Ef súpan er of þykk fyrir þinn smekk þá nægir að bæta við vatni 
Í lokin er súpan smökkuð til með Maldon salti og,  svörtum  pipar og ferskum kóríander bætt út.
ég nennti ekki að baka brauð með þessu svo ég hafði pitubrauð frá Hatting með sem ég skar í 6 parta hvert og við ntuðnum til að dýfa í súpuna,  Bon apetit!

það verður mikið úr þessu þannig það var afgangur fyrir 3 eftir þegar við 5 vorum búin að borða í gær.

Mér láðist alveg að taka mynd af lærinu þegar það var búið að elda en gott var það að venju, þetta er uppáhalds marineringin mín en það er mjög gott að láta læri vera í þessu legi yfir nótt en fyrir lærissneiðar er nóg 2-3 tímar og best er að úrbeina lærið ég geri það alltaf þegar ég er með þessa marineringu til þess að fá sem mest bragð í kjötið. það er hægt að fá mjög góðar leiðbeiningar á netinu með úrbeiningu. 

Kryddlögur:

·         2 dl rauðvín
·         1 dl sojasósa
·         5 hvítlauksgeirar, pressaðir
·         3-4 stilkar rósmarín, grófsaxið nálarnar
·         1 lúka myntublöð, söxuð
·         1/2 msk nýmulinn pipar

Blandið öllu saman í skál og veltið kjötinu vel upp úr leginum þannig að hann þekji það alveg. Látið kjötið liggja í leginum í nokkrar klukkustundir í ísskáp. Það spillir ekki fyrir að láta það liggja yfir nótt þótt það sé ekki nauðsynlegt. Takið kjötið úr ísskápnum og látið það ná stofuhita áður en þið eldið það. Haldið leginum til haga og penslið á kjötið að minnsta kosti einu sinni meðan það er grillað.

með þessu var ég með kartöflur sem voru eldaðar að deginum en svo skar ég þær í fjóra hluta og smjörsteikti á pönnu, sveppasósa og grænmeti 

um síðustu helgi í sumarbústaðnum 
ég tók kalkúnabringu sneiðar og marineraði í um klukkustund og svo grillaði eiginmaðurinn elskulegi 
Marinering 

safi úr c.a. 1/2 sítrónu 
sítrónubörkur af c.a. háfri sítrónu
2 rif hvítlaukur smátt saxað 
c.a. 1 dl góð ólífuolía 
salt og pipar  
svo hefði ég viljað eiga ferskt oregano eða timian en jurtirnar vöru ekki orðnar nógu stórar svo ég skellti í lamb íslandia þar sem það var það eina sem ég átti til af þess háttar kryddum þann daginn.  Ég pískaði vel saman og vellti kalkúna sneiðunum upp úr marienringunni og lét standa í klukkustund á meðan gerði ég klárt líka sætar kartöflur í sneiðum penslað með góðri olíu salt og pipar gott að vera með rósmarín á kartöflunum líka, svo var það kúrbítur sem ég setti í sneiðar eftir endilöngu penslaði með olíu og saltaði og pipraði. 
þetta var svo grillað kartöflurnar þurftu c.a 15 mín. kalkúnasneiðarnar 8 mín en kúrbíturinn 6 mín og var þessu raðað á disk og salat og hvítlauks með sýrðrjómasósa með