Bailys frómas

,
 Ég hef alltaf fengið svo góðan Bailys frómas hjá svilkonu minni henni Lauju og langaði að gera þennan frómas fyrir áramótin svo ég fékk auðvitað uppskriftina hennar og gerði frómasinn, ég læt athugasemdirnar frá Lauju með. 

• 3  stk egg
• 1,5  dl  sykur
• 6 blöð matarlím
• ½ ltr. rjómi
• 0,5 dl Baileys
• 125 gr suðusúkkulaði, saxað

 
byrjið á Leggja matarlím í bleyti í kalt vatn. Þeytið egg og sykur mjög vel saman og setið sukkulaðið útí hræruna, þeytið síðan rjóman og hafið tilbúin
 
Baileys er hitað í örbylgjuofni (ca. 20 sekúndur) og matarlímið sett út í (stundum hef ég þurft að hita aðeins í viðbót til að matarlímið leysist betur upp).
 
hafið þeyttan rjóman tilbúin og geymið til síðast, hrærið Baileys-matarlímið út í eggja- og súkkulaðihræruna með því að hella því í mjórri bunu og hrærið vel í á meðan (til að blandan verði ekki kekkjótt )
ath, ef þú hefur engan til að halda í skálina meðan þú hrærir saman, þá hef ég sett blauta tusku undir skálina, til að hún sé ekki að hreyfast á meðan þessu er hrært saman 

Þegar þessu er lokið, hrærið þeytta rjómann saman við – og setja skál sem á að bera frómasinn fram í eða líka smart að setja í litlar desertskálar.
 
Sett í kæli, er ca. 2 klst að stífna.

ég bar hann fram með hindberjasósu og rjóma

​Hindberjasósa

• 200 gr. frosin hindber
• 1 dl. vatn
• 50 gr. sykur ( þeir sem vilja hafa sósuna sætari bæta við eftir smekk)

Setjið allt i pott og látið sjóða við vægan hita í um það bil 15 – 20 mínútur. Kælið, ath: sósan þykknar aðeins þegar hún kólnar.